Semeıde tórt jasar bala altynshy qabattan qulap ketti
ASTANA. QazAqparat - Semeı qalasynyń Energetık aýylynda tórt jasar qyz bala altynshy qabattan qulap ketti. Bul týraly Tótenshe jaǵdaılar basqarmasynan habarlady.
Baldyrǵan jabyq bas-mı jaraqaty, buǵana men sol jaq jilinshiktiń synýy dıagnozymen aýrýhanaǵa jetkizildi. Semeyainasy.kz saıtynyń jazýynsha, balanyń anasy ony jalǵyz qaldyryp, dúkenge ketken. Qaraýsyz qalǵan bala balkonǵa shyǵyp, qulaǵan. Qazir dárigerler balany aman alyp qalý úshin bar kúshterin jumsaýda. Jansaqtaý bóliminde jatqan qyzdyń qazirgi jaǵdaıy - «turaqty aýyr».
ShQO TJD Semeı qalalyq Tótenshe jaǵdaılar basqarmasynan málim etkendeı, sońǵy ýaqytta sondaı-aq bıiktikte selfı jasamaq bolǵandar qaıǵyly oqıǵalarǵa dýshar bolýda.
«Ekstremaldy jaǵdaıda ózin sýretke túsirý, ıaǵnı «selfı» jasamaq bolyp bıiktikten qulaý - sońǵy ýaqyttaǵy qaıǵyly «trendterdiń» birine aınalýda.
Sondyqtan, jetkinshek-balalaryńyzben qaýipsizdik sharalary boıynsha aldyn ala túsindirý jumystaryn júrgizip otyrýlaryńyzdy suraımyz», - delingen taratylǵan habarlamasynda.
