Semeıde tórt kún buryn joǵalǵan er adamnyń máıiti tabyldy
SEMEI. QazAqparat – Semeı qalasynda tórt kún buryn joǵalyp ketken 30 jastaǵy azamattyń máıiti tabyldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 12 tamyzda «112» qyzmetine qońyraý shalǵan azamat Semeıdegi Ertis ózeninen er adamnyń denesi tabylǵanyn jetkizdi. Oqıǵa ornyna dereý kelip jetken qutqarýshylar máıitti jaǵaǵa shyǵardy.
«Anyqtalǵandaı, bul 8 tamyzda joǵalǵan 30 jastaǵy jigit bolyp shyqty. Ol dostarymen sý jaǵasynda demalyp júrip joǵalyp ketken. Ózen jaǵasynan onyń jeke zattary tabylǵan», - dep habarlady vedomstvo ókilderi.
Osy ýaqytqa deıin departamenttiń №7 qutqarý bóliminiń qyzmetkerleri izdeý jumystaryn júrgizgenimen, er adamnyń denesi tabylmaǵan edi.
