Semeıde tokqa túsip kóz jumǵan balanyń ata-anasy tergelip jatyr
SEMEI. QazAqparat – Semeıde 6 jasar bala mýzykalyq ortalyqtyń arshylyp qalǵan symynan tokqa túsip kóz jumdy, dep habarlaıdy QazAqparat tilshisi.
Shyǵys Qazaqstan oblystyq Polıtsııa departamentiniń baspasóz qyzmetiniń málimetine qaraǵanda, qaıǵyly oqıǵa bala oınap júrgen kezde bolǵan. Mýzykalyq ortalyqtyń symynyń arshylyp qalǵan bóligin ustaǵan bala, sol jerde jan tapsyrǵan.
«Tıisti deńgeıde qaýipsizdik sharalaryn qolǵa almaı, sábıdiń ólimine túrtki bolǵan jaýapsyzdyǵy úshin balanyń ata anasyna qatysty Qylmystyq kodekstiń 141-babynyń 2-bóligi boıynsha sotqa deıingi tergeý sharalary bastaldy», - delingen departament dereginde.
