Semeıde toǵyzynshy qabattan sekirgen 21 jastaǵy qyz mert boldy
SEMEI. QazAqparat – Semeı qalasynda toǵyzynshy qabattan sekirgen qyz mert boldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, oqıǵa 16 aqpan kúni Birinshi shaǵyn aýdan kóshesinde bolǵan.
«102» jedel arnasyna habarlasqan azamat belgisiz bireýdiń 9 qabattan sekirip ketkenin jetkizdi. Oqıǵa ornyna jetken tártip saqshylary qyzdyń denesin tapqan.
Qazirgi ýaqytta atalǵan fakti boıynsha Semeı qalalyq PB Zaton polıtsııa bóliminiń qyzmetkerleri QR Qylmystyq Kodeksiniń 105-baby 1-bóligine (ózin-ózi óltirýge ıtermeleý) sáıkes sotqa deıingi tergeý amaldaryn júrgizip jatyr.
«Іs boıynsha tıisti sot-medıtsınalyq saraptamalar taǵaıyndaldy. Qylmystyq is júrgizý kodeksiniń 201-babynyń 1-bóligi boıynsha ózge aqparattar jarııa etilmeıdi», - delingen habarlamada.
