Semeıde TikTok efırinde bylapyt sóz aıtqan áıel sottaldy
SEMEI. KAZINFORM — Semeı qalasynda TikTok jelisindegi efırde zań talaptaryn buzǵan áıel jaýapqa tartyldy.
Abaı oblystyq polıtsııa departamenti baspasóz qyzmetiniń málimetine súıensek, tártip saqshylary áıel adamnyń TikTok-taǵy tikeleı efır barysynda balaǵat sózder aıtyp, orynsyz minez-qulyq kórsetkenin anyqtady.
— Tekserý nátıjesinde onyń Semeı qalasynyń 53 jastaǵy turǵyny ekeni belgili boldy. Sot sheshimi boıynsha áıelge ákimshilik quqyq buzǵany úshin aıyppul salyndy, — dep habarlady vedomstvo ókilderi.
Osy rette, polıtseıler ınternette jasalǵan quqyq buzýshylyqtar da zań boıynsha qaralatynyn jáne mundaı zańsyz áreketterdi anyqtaý jumystary aldaǵy ýaqytta da jalǵasatynyn eskertti.
Eske salsaq, osyǵan deıin Taldyqorǵan turǵyny TikTok efırinde ádepsiz sózder aıtqany úshin jazalanǵany habarlanǵan.
