Semeıde terrorıstik turǵydan osal nysan ıelerine aıyppul salyndy
ShQO Polıtsııa departamenti baspasóz qyzmetiniń málimetinshe, Ekstremızmge qarsy is-qımyl basqarmasynyń qyzmetkerleri Semeıdegi terrorıstik turǵydan osal strategııalyq obektilerdiń birin tekserý barysynda ınjenerlik-tehnıkalyq nyǵaıtý jónindegi talaptardyń buzylǵandyǵyn anyqtady.
«Tekserý barysynda óreskel zańbuzýshylyqtar tirkeldi. Atap aıtqanda, baqylaý-ótkizý pýnktinde, kúzettiń dabyl júıesinde, baqylaý jáne jedel baılanys júıelerinde buzýshylyqtar anyqtalǵan. Osyǵan baılanysty atalǵan nysanǵa qatysty QR ÁQBtK-niń 149-baby 1-bóligine sáıkes ákimshilik hattama toltyryldy. Sondaı-aq tirkelgen buzýshylyqtardy 30 jumys kúni ishinde joıý qajettigi jaıly uıǵarym shyǵaryldy. Semeı qalalyq ákimshilik sotynyń sheshimimen obekti basshylyǵyna 1 095 000 teńge mólsherinde aıyppul salyndy», - dedi ShQO PD bastyǵy Saǵat Madıev.
Aıta keteıik, óńir boıynsha 2020 jyldan bastap qazirgi ýaqytqa deıin ártúrli sanattaǵy 8 obekti ıelerine aıyppul salynǵan.
Osy rette Polıtsııa departamenti terrorıstik turǵydan osal obektilerdiń basshylaryna zań talaptaryn saqtaý qajettigin eskertedi.