Semeıde telefonyn alam dep shuńqyrǵa túsip ketken azamat qutqaryldy
SEMEI. QazAqparat – Semeı qalasynda shuńqyrǵa qulaǵan azamat qutqaryldy, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, 8 qazan kúni saǵat 9.55-te «112» nómirine qońyraý shalǵan er adam káriz qudyǵyna túsip ketkenin aıtqan. Qutqarýshylar kómek kórsetý úshin birden sol jerge attandy.
«Oqıǵa ornyna jetken qutqarýshylar saǵat 10.13-te Semeı turǵynyn shuńqyrdan alyp shyqty. Qazirgi ýaqytta onyń ómirine eshqandaı qaýip tónip turǵan joq. Er adam aýyr jaraqat almaǵan», - dep habarlady vedomstvo ókilderi.
Belgili bolǵandaı, azamat qıyn jaǵdaıǵa dárethanaǵa túsip ketken uıaly telefonyn alyp shyǵýǵa árekettengen kezde tap bolǵan.
Osy rette TJD jurtshylyqqa qandaı jaǵdaı bolmasyn qaýipsizdik sharalaryn esten shyǵarmaý kerektigin eske salady.
