Semeıde telefonmen oınap otyrǵan bala kúıip qaldy
SEMEI. QazAqparat – Semeıde uıaly telefonmen oınap otyrǵan bala kúıip qaldy, dep habarlaıdy QazAqparat qalalyq tótenshe jaǵdaılar basqarmasyna silteme jasap.
Tótenshe jaǵdaılar basqarmasyndaǵylar osy oqıǵa bolardyń aldynda jedel járdem qyzmetiniń kezekshisinen aýrýhanaǵa 2016 jyly týǵan balanyń túskeni týraly habar kelgendigin aıtty.
«Sábı qýattalyp jatqan telefonmen oınap otyrǵan kezde ony toq urǵan. Sonyń saldarynan bala oń qolynyń alaqanyn jaraqattap alǵan. Dárigerler balanyń jaraqatyn qarap kórgen soń ony úıine jibergen»,-dep túsindirdi tótenshe jaǵdaılar basqarmasynyń ókilderi.
Tótenshe jaǵdaılar salasynyń ókilderi kishkentaı balalardy qaraýsyz qaaldyrmaýǵa keńes berdi.
