Semeıde tegin quqyqtyq qyzmet kórsetý ortalyǵy ashyldy
«Ýnıversıtettiń muǵalimder men joǵary kýrs stýdentteri quqyqtyq kómekke muqtaj adamdarǵa tegin zańgerlik qyzmetter kórsetýdi bastady. Quqyqtyq keńes berý, sot qujattaryn resimdeý, aryz-shaǵym jazý sııaqty qyzmetterdi kórsetedi. Mundaı tájirıbe bolashaq zańgerlerdiń teorııalyq bilimderin arttyrýǵa da septigin tıgizedi», - deıdi ortalyq mamandary.
«Bizdiń ýnıversıtette quqyqtyq ortalyq ashý máselesi burynnan kele jatqan jospar. Bizge kóptegen qala turǵyndary túrli máselelerin aıtyp keledi. Mysaly, talap-aryzdy qalaı jazý kerek, qalaı shaǵymdanýǵa bolady degendeı. Óıtkeni kópshiligi zań talaptaryna bile bermeıdi. Al jeke zańgerler qyzmetine aqsha alada. Jaqynda bankten aldanǵan turǵyndar arasynda janjal paıda boldy. Biz olarǵa aryz jazýǵa kómektesip, keńes berdik. Sonymen qatar bul stýdentter úshin úlken múmkindik. Olar bilimderin tájirıbe júzinde iske asyrady», - dedi quqyqtaný kafedrasynyń meńgerýshisi Álııa Tolysbaeva.
Ortalyq Qazaqstan Respýblıkasynyń normatıvtik quqyqtyq aktilerin basshylyqqa ala otyryp, kómek qolyn sozady. Tegin quqyqtyq kómekti muǵalimder men stýdentterden quralǵan 10 adam kórsetedi. Aıta keteıik, negizi qalada bir zańgerdiń keńesi 2 myń teńge turady.
