Semeıde «Táýelsiz elim – maqtanyshym meniń» aktsııasy bastaldy
Qalalyq Dostyq úıinde QR Táýelsizdiginiń 30 jyldyǵyna arnalǵan «Táýelsiz elim – maqtanyshym meniń» aktsııasy bastaldy. Atalǵan aktsııaǵa túrli salalardyń ókilderi qatysýda. Olar dóńgelek ústel barysynda memlekettiń táýelsizdik alǵannan keıingi jetken jetistikterimen bólisip, óz eline degen maqtanysh sezimderin jetkizdi.
«Táýelsizdik – elimizdiń basty qundylyqtarynyń biri. Ol arqyly biz kóptegen belesterdi baǵyndyryp, úlken nátıjelerge qol jetkizdik. Qazaqstannyń jetistikterin árkez maqtan tutamyz. 1993 jyldyń basynda «Qazaq tili» uıymy qurylǵan bolatyn. Sodan beri táýelsiz memlekette ómir súrý degenniń ne ekenin sezinip kelemiz. Qysqa merzim ishinde osyndaı dárejege jetkenimizdi maqtanyshpen aıta alamyz», – dedi Qazaqstan halqy Assambleıasynyń múshesi Oral Sháripbaev.
Epıdemıologııalyq jaǵdaıǵa baılanysty aktsııa qatysýshylarynyń sany shekteýli boldy. Joba jyl boıy sozylyp, áleýmettik jelilerde óz jalǵasyn tabady.