Semeıde Tatýlasý ortalyǵy ashyldy
Saltanatty ashylý rásimine Shyǵys Qazaqstan oblystyq sotynyń Azamattyq ister jónindegi sot alqasynyń tóraǵasy Damır Ábdiǵalıev, máslıhat hatshysy Aqjalov Beısenbek, qalalyq sot tóraǵalary, máslıhat depýtattary, psıhologtar men kásibı medıatorlar qatysty.
«Tatýlasý: sotqa deıin, sotta» jobasyn iske asyrý sheńberinde ashylǵan ortalyqta eńbek, neke-otbasy, azamattyq qatynastar salasyndaǵy daýlardy sheshetin bolady. Munda azamattar zań kómegine ǵana emes, tájirıbeli psıhologtan keńes ala alady.
«Tatýlastyrý rásimderi adamdarǵa kelisimge, ymyraly jáne ózara tıimdi nusqany tabýǵa múmkindik beredi. Sot daýdy sheshý kezinde taraptardyń biriniń paıdasyna sheshim qabyldaıdy jáne sot sheshimin eki taraptyń da qanaǵattandyrǵan kezde óte sırek kezdesedi. Tatýlasý ortalyǵynyń jumysy halyq arasyndaǵy qaqtyǵys deńgeıin aıtarlyqtaı tómendetedi, quqyqtyq mádenıetti arttyrýǵa yqpal etedi, daýlardy sotqa deıin retteýdi nasıhattaıdy», - dedi D.Ábdiǵalıev.
Sondaı-aq, taraptarǵa kezdesý ýaqytyn ózi anyqtaýǵa múmkindik beretin, daýdy sottan tys retteýdiń artyqshylyǵy týraly aıtyldy, bul daýdy sheshý protsesin jedeldetedi jáne aqshany únemdeıdi.
Taraptardyń ortalyqta tatýlasýyna jasalǵan jaǵdaılar, dıalogqa jáne ózara tıimdi sheshimder qabyldaýǵa ıe jaǵdaı yqpal etedi. Ortalyq qyzmet kórsetý, kútý jáne ózine-ózi qyzmet kórsetý aımaǵynan turady.
