Semeıde taekvondodan halyqaralyq týrnır ótip jatyr
ASTANA. QazAqparat - Shyǵys Qazaqstan oblysy Semeı qalasynda taekvondonyń ІTF túri boıynsha dástúrli halyqaralyq týrnır ótip jatyr, dep habarlaıdy QazAqparat tilshisi.
Atalǵan dodaǵa Qazaqstannyń barlyq óńirlerinen kelgen sportshylarmen qatar Mońǵolııa, Reseı, Tájikstan jáne Qyrǵyzstan memleketinen jalpy sany 500-den astam taekvondoshy baq synaýda.
Sonymen birge atalǵan týrnır aıasynda jasóspirimder arasynda el chempıonaty da birge ótýde.
Eki kúnge sozylatyn básekede baqtary janyp, jeńis tuǵyrynan kóringen sportshylar kelesi jyly Mońǵolııada ótetin Azııa chempıonatyna qatysý múmkindigine ıe bolmaq. Al Azııa birinshiliginde top jarǵandar ary qaraı Belarýste ótetin álem chempıonatyna joldama alady.
