Semeıde sybaılas jemqorlyq boıynsha 9 adam sottaldy

SEMEI. QazAqparat - Semeıde jyl basynan beri sybaılas jemqorlyqqa qatysy bar 9 adam sottaldy. Olardyń qatarynda polıtseıler, kásipkerler men bilim mekemeleriniń basshylary bar. Bul týraly qalalyq №2 sottyń tóraǵasy Janat Ábenova baspasóz máslıhatynda jarııa etti, dep habarlaıdy QazAqparat 24.kz silteme jasap.

Belgili bolǵandaı, eger jol polıtseıi para alǵany úshin sotqa tartylsa, kolledj dırektory ózine senip tapsyrylǵan múlikti ıelengeni úshin sottalǵan. Jazaǵa kesilgen bilim mekemesiniń basshysy eki muǵalimdi shartty túrde jumysqa qabyldap, olardyń aılyǵyn óz qaltasyna salyp otyrǵan.

«Jemqorlyq boıynsha sottalǵandardyń barlyǵy óz kinásin tolyǵymen moıyndap, ókinip, memleketke keltirilgen zalal esebin toltyrdy. Osyǵan baılanysty, olarǵa bas bostandyǵyn shekteý jáne aıyppul jazasy taǵaıyndaldy»,-deıdi qalalyq №2 sottyń tóraǵasy Janat Ábenova.