Semeıde sýǵa ketken kelinshektiń denesi 3 kúnnen beri izdestirilýde
SEMEI. QazAqparat - Semeıde 42 jastaǵy qala turǵyny sýǵa batyp ketti, dep habarlaıdy QazAqparat.
Oqıǵa 24 maýsym kúni saǵat 20.00-de qaladaǵy Bobrovka saıajaıynda oryn alǵan. Ertis jaǵasyna dostarymen birge demalýǵa barǵan 1976 jylǵy kelinshek sýǵa túsken. Biraq qaıtyp jaǵaǵa shyǵa almaı qalǵan. Demalýshylar óz kúshterimen ony qutqaryp qalmaq bolǵan, biraq qutqara almady. Sóıtip qutqarýshylardy kómekke shaqyrǵan. Oqıǵa ornyna kelip jetken sýdan qutqarý qyzmetiniń qyzmetkerleri sýǵa batqan áıeldiń denesin búgin úshinshi kún izdestirip jatyr.
«Qazir izdeý jumystary jalǵasýda. Bul úshin 2 qaıyqpen 4 adam jumyldyryldy. Qaıǵyly oqıǵa shomylýǵa arnalyp jabdyqtalmaǵan aýmaqta bolǵan. Turǵyndar arasynda júrgizilip jatqan túsindirme jumystaryna qaramastan azamattardyń arnaıy belgilenbegen jerlerde sýǵa túsýi tıylmaı tur», - dedi Semeı qalalyq sýdan qutqarý qyzmetiniń bas mamany Rınat Muhtarov.
