Semeıde sý tasqynynan zardap shekkenderge taǵy 22 mln bólinedi
SEMEI. QazAqparat - Semeıde kóktemgi sý tasqynynan zardap shekken turǵyndarǵa qosymsha 22 mıllıon teńge bólinetin boldy, dep habarlaıdy QazAqparat tilshisi.
Sý tasqynynan zardap shekkenderge turmystyq tehnıka men jıhazdar satyp alýǵa bıýdjetten 22 mln teńge bólinedi. Bul týraly qala ákimi Ermak Sálimov jýrnalıstermen ótken kezdesýde aıtty.
«Prıstan jáne Mırnyı kentindegi shyǵyn kólemin eseptegen saraptama uıymynyń taǵaıyndaǵan qorytyndy sheshimi bar. Taıaýda biz shyǵyndy ótep berýdi josparlap otyrmyz. Qarajat qalalyq bıýdjettiń tótenshe qorynan bólinedi. Biraq normatıvtik-quqyqtyq aktilermen anyqtalǵan nárseni ǵana tóleımiz. ıAǵnı, uıyqtaýǵa, tamaqtanýǵa jáne ónimderdi saqtaýǵa qajetti dúnıelerdi», - dep atap ótti Ermak Sálimov.
Buǵan deıin habarlaǵanymyzdaı, búginde búlingen baspanalardy qalypqa keltirý jumystary jalǵasýda. Barlyǵy - 205 baspana. Bul maqsatta respýblıkalyq bıýdjetten 371 mln teńge, al jańa baspanalar satyp alý úshin 58 mln teńge bólindi.
Qala ákiminiń sózinshe, búgingi kúni Prıstan jáne Mırnyı kentiniń 160 turǵynymen kelisimshart jasalsa, 135 úıge qarjy bólingen. Taıaý kúnderi jóndeý jumystary bastalady.
«Turǵyndar jóndeý júrgizetin merdiger mekemeni ózderi tańdaýǵa quqyly. Joǵarydaǵy 135 turǵynnyń baspanasyn jóndeýge 51 mln teńge bólindi. Sonymen qatar biz baspanalarynyń qujattary joq úı ıelerine qajetti qujattardy rásimdeýge de kómektesip jatyrmyz. Maýsym aıynyń sońyna deıin - 138 mln teńge, 1 qyrkúıekke deıin barlyq qarajat ıgerilýi tıis», - dedi shahar basshysy.
Al sý tasqynynan búlingen Bobrovka saıajaıyndaǵy úılerdi qalpyna keltirý jumystary aıaqtalýǵa jaqyn. Barlyǵy - 158 úı. Jóndeý jumystaryna bıýdjetten tys qarajattar bólingen bolatyn.
