Semeıde sý tasqynynan zardap shekkenderge psıhologııalyq kómek kórsetilýde
SEMEI. QazAqparat - Semeıde «SPıASR» memlekettik mekemesiniń psıhologtary túnde jáne tańerteń úılerin sý basqan turǵyndarǵa psıhologııalyq kómek kórsetýde, dep habarlaıdy QazAqparat Shyǵys Qazaqstan oblystyq TJD-ne silteme jasap.
Alǵashqy saǵattarda azamattar arasynda aqparattyq túsindirý jumystary júgizildi. Sebebi, kópshilik turǵyn oryn alǵan jaǵdaıdan abdyrap qalǵan.
«77 eresek, 55 bala jáne barlyǵyna nazar aýdarý kerek. Kelip túsken adamdardyń boıynda ártúrli reaktsııa. Agressııa, dúrbeleń, qorqynysh, qolbaljý bar. Kópshiligi ne isterlerin bilmeı jylap jatty. Biz árqaısysymen sóılesip, boıyna senimdilik uıalatýǵa tyrystyq», - deıdi «SPıASR» MM psıhology Olesıa Mýhına.
Kúni boıy psıhologtar barlyq zardap shekkenderge psıhologııalyq kómek kórsetti. Sonymen qatar qosymsha kómekke Óskemendegi «Apattar medıtsınasy ortalyǵynyń» dárigerler men psıhologtary da keldi.
Mamandar men pshologtar birneshe topqa bólinip evakýatsııalanǵan turǵyndarmen júzdesti. Mazalaǵan suraqtaryna jaýap berdi. Kóptegen turǵyndy mazalaǵan «Tańerteń jumysqa qalaı baramyz?» degen suraq boldy. Jergilikti atqarýshy bılik turǵyndardyń jumysqa jetýi úshin arnaıy avtobýs bóldi.
Qazir turǵyndardyń jaǵdaıy qalypty. Qajetti kómekter kórsetilip, úsh ýaqyt tamaqpen qamtylýda.
