Semeıde sý tasqynynan zardap shekkender kómir jáne otynmen qamtamasyz etilýde
SEMEI. QazAqparat - Semeıde sý tasqynynan zardap shekkender kómir jáne otynmen qamtamasyz etilip jatyr, dep habarlaıdy QazAqparat tilshisi.
Jeksenbi kúni tańerteń tabıǵı apattan zardap shekken úılerge kómir jetkizý bastaldy.
Semeıge jumys saparymen barǵan ShQO ákimi Danıal Ahmetov úıin sý basqan turǵyndardyń qaýipsizdigi máselesin shuǵyl túrde sheshýge tapsyrma berdi. Atap aıtqanda, óńir basshysy zardap shekkender turǵan árbir ǵımaratta túıtkildi der kezinde sheshe alatyn mamandar kezekshi etýin tapsyrdy. Sondaı-aq ákim adamdar jaýramaýy úshin ákimdik olardyń úılerin kómir jáne otynmen qamtamasyz etýge mindetti ekenin aıtty.
Semeıde bes kúnnen beri sý tasqynynyń saldarymen kúres júrip jatyr. Qalada tótenshe jaǵdaı jarııalanǵan. Dál qazir 50 úı sý astynda qalyp otyr.
