Semeıde sý tasqynynan qorǵaný sharalary jasalýda
SEMEI. QazAqparat - Semeıdegi kóktemgi sý tasqynyna daıyndyq qyzý júrgizilýde, dep habarlaıdy QazAqparat oblystyq Tótenshe jaǵdaılar departamentine silteme jasap.
ShQO ákiminiń orynbasary Shalqar Baıbekov, Shyǵys Qazaqstan oblysynyń tótenshe jaǵdaılar departamentiniń bastyǵy Nurlan Madıarov, «Ertis» basseındik ınspektsııasynyń jəne «Qazselezaşıta» mamandary jáne gıdrologtar quramyna kiretin komıssııa músheleri Semeı qalasynan bastap Pavlodar oblysynyń shekarasyna deıingi muz qabatyna tekserýdi júrgizdi.
Mamandar Semeı mańyndaǵy Staroı Krepost, Steklıanka, Birlik, Dolon jəne Semııarka aýdandarynda ózendegi muzdyń qalyńdyǵyn ólshedi. Búginde muzdyń ortasha qalyńdyǵy 45-50 sm.
Keıbir ýchaskelerde muz endi erip jatyr. Biraq muz keptelisi joq. Ózendi tekserý jumystary tek jerden ǵana emes, tóbeden de baqylanýda. Sýdan qutqarýshylar kvadroptermen qıyn oryndarda vızýaldy tekserý júrgizdi.
«Komıssııanyń tekserý jumystarynyń qortyndysy boıynsha akt toltyrylady. Ol Semeı qalasy jəne Besqaraǵaı aýdanynyń jergilikti atqarýshy organdaryna jiberiledi. Qujatta ákimdikterge sý tasqynynyń aldyn alýǵa jəne muz keptelisterin boldyrmaýǵa baǵyttalǵan birqatar usynystar daıyndalǵan», - dedi TJ departamentiniń bastyǵy Nurlan Madıarov.
Esterińizge sala keteıik, bir aı ishinde Shyǵys Qazaqstan oblysynyń ózenderinde muzdy jarý jumystary júrgizilýde. Atap aıtqanda Altaı, Shemonaıha, Borodýlıha, Kúrshim barlyǵy 17 aýdanda aldyn-alý jarylys júrgizildi.
Al bul jumystar Besqaraǵaı aýdanynda mereke kúnderinen keıin josparlanǵan. Semeı qalasynyń mańynda aldyn-ala jarylys qajet bolǵanda júzege asyrylady.
