Semeıde sý tasqyny qaýpi seıiler emes
SEMEI. QazAqparat - Semeıde sý tasqyny qaýpi seıiler emes. Qyzyl sý búgin taǵy bir saıajaıdy basyp, turǵyndar qaýipsiz jerge kóshirildi, dep habarlaıdy QazAqparat.
Sý basqan qala shetindegi "Solnechnaıa dolına" saıajaıy. Munda 800 úı, 100 turǵyn tirkelgen. Biraq búgingi kúni tek 35 úıde adam turady. Al qalǵany tek jaz mezgilinde ǵana keletin kórinedi.
Sý 15 úıdiń aýlasyn basqan. Abyroı bolǵanda ishke kirmegen. Oqıǵa ornyna jetken qutqarýshylar 11 adamdy qaýipsiz jerge kóshirdi. Onyń 2-ýi bala. Evakýatsııalanǵandardyń 8-i №42 mektep-ınternatyna jetkizilse, qalǵany týysqandarynyń úıine barǵan. Oqıǵa ornynda qazir 2 tehnıka men 10 adam jumys istep jatyr.
"Qazir sý basqan saıajaı aýmaqtarynda jumystar júrgizýde. Zardap shekken adam joq. Barlyǵy qaýipsiz jerde. Qajetti qyzmet kórsetilýde. Jalpy saıajaıdy sý basý qaýpi týrly habar keshe túnde kelgen. Birden saıajaıǵa qutqarýshylar, quqyq qorǵaý jáne jedel-járdem qyzmeti jetti. Jaǵdaı baqylaýda", - dedi qalalyq Azamattyq qorǵanys jedel-shtabynyń aqparattyq qyzmetiniń ókili Meıirjan Amangeldıev.
