Semeıde sot mamandary áleýmettik jelige kúmándi aqparat jarııalamaýǵa shaqyrdy
«Memlekettik qyzmetkerdiń áleýmettik jelilerdegi áreketteri» taqyrybynda ótken semınarǵa sot mamandary qatysty. Jıynda memlekettik qyzmetkerlerge kópshilikpen túrli áleýmettik jelilerde tildeskende sypaıylyq tanytyp, ǵalamtorda hat almasqanda turpaıy leksıka qoldanbaýǵa, memlekettik qupııa jáne zańmen qorǵalǵan aqparatty jarııalamaýǵa shaqyrdy. Sonymen qatar, separatızm nemese órkenıettilikten bas tartýǵa shaqyratyn jeli qoldanylýshylaryn dostyq qataryna qabyldamaý usynyldy.
Jıynda baıandama jasaǵan Semeı qalasyndaǵy mamandandyrylǵan ákimshilik sotynyń keńse meńgerýshisi Sholpan Rahımjanovanyń aıtýynsha «Etıka» kodeksin buzǵan memlekettik qyzmetshi tártiptik jazaǵa tartylýy múmkin.
«Memlekettik qyzmetkerlerdiń jaǵymsyz minez qulyqtaryn aıǵaqtaıtyn qandaı da bir fotolardyń bolýyna jol berilmegeni durys. Memlekettik qyzmetkerlerdiń áleýmettik jelide ózin ustaý tártibi men ádebi adamgershilik qaǵıdalaryna saı bolǵany jón», - dedi Sholpan Rahımjanova.