Semeıde soqtyǵysqan eki kóliktiń biri jaıaý júrginshini qaǵyp ketti
SEMEI. QazAqparat – Semeı qalasynda soqtyǵysqan eki kóliktiń biri jaıaý júrginshini qaǵyp ketti, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy keshe M.Jumabaev kóshesinde bolǵan.
«Lexus LX570 markaly avtokóliktiń 31 jastaǵy júrgizýshisi qosalqy joldan basty jolǵa shyǵa bergende Mitsubishi Outlander kóligine jol bermeı qoıǵan. Soqqy saldarynan Lexus kóligi jaıaý júrginshini qaǵyp ketip, ǵımaratqa soǵyldy», - dep habarlady vedomstvo ókilderi.
Zardap shekken adam Semeı qalalyq jedel járdem aýrýhanasyna jetkizildi. Qazirgi ýaqytta atalǵan fakti boıynsha sot-medıtsınalyq saraptama taǵaıyndaldy. Sonyń qorytyndysy boıynsha protsessýaldyq sheshim qabyldanady.
