Semeıde soqqyǵa jyǵylǵan balanyń qazirgi jaǵdaıy qalaı
SEMEI. KAZINFORM – Semeıde dárigerler soqqyǵa jyǵylǵan 6 synyp oqýshysynyń qazirgi jaǵdaıyn aıtyp berdi.

Abaı oblystyq Densaýlyq saqtaý basqarmasynyń málimetine súıensek, 11 jastaǵy bala qazir pedıatrdyń, travmatologtyń jáne nevropatologtyń dınamıkalyq baqylaýynda.

— Jetkinshek aýrýhanaǵa 23 aqpanda tústi. Oǵan der kezinde medıtsınalyq jáne psıhologııalyq kómek kórsetilip, qajetti tekserýler júrgizildi. Qoıylǵan dıagnoz — jabyq bas-mı jaraqaty. Basynda, aıaq-qolynda kóptegen teriasty gematomalar anyqtaldy. Balanyń jaǵdaıy qanaǵattanarlyq deńgeıde. Biraq psıhoemotsıonaldyq kúıi men dıagnozyna baılanysty baqylaýdy qajet etedi, — delingen aqparatta.

Vedomstvo dereginshe, balaǵa qajetti dıagnostıkalyq tekserýler júrgizilip, sonyń qorytyndysy boıynsha ómirine qaýip tóndiretin sebepter anyqtalǵan joq.

Eske salsaq, buǵan deıin Semeıde 6-synyp oqýshysyn soqqyǵa jyqqan 3 jetkinshektiń áke-sheshesi ata-analyq quqyǵynan aıyrylǵany habarlanǵan.
Sondaı-aq mektep dırektory jumystan shyǵarylǵan bolatyn.