Semeıde sıtýatsııalyq ortalyq ashylmaq
SEMEI. QazAqparat – Semeı qalasynda sıtýatsııalyq ortalyq ashylady, dep habarlaıdy QazAqparat tilshisi.
ShQO Polıtsııa departamentiniń bastyǵy Saǵat Mádıevtiń aıtýynsha, búginde Óskemende barlyq tótenshe jaǵdaılar qyzmeti men «Sergek» júıesin biriktiretin mekemearalyq biregeı sıtýatsııalyq ortalyq jumys istep tur. Onyń qýattylyǵy 4 myń beınekameraǵa jetedi. Bul júıemen 101 bilim berý uıymy, 115 kópqabatty turǵyn úı aýlasy, 419 qoǵamdyq oryn jáne 74 rettelgen jol qıylystary qamtylǵan.
Osynyń arqasynda qylmystar men quqyq buzýshylyqtardy anyqtaýdyń múmkindigi artty. Bıyl beınebaqylaýdyń kómegimen ashylǵan qylmystar - 33 paıyzǵa, al ákimshilik quqyq buzýshylyqtar - 26 paıyzǵa ósken», - dedi Saǵat Mádıev.
Qazirgi ýaqytta oblystyq ákimdik Semeı qalasynda osyndaı sıtýatsııalyq ortalyq ashý máselesin qarastyrýda.
