Semeıde shuryq-tesik joldardan avtobýstar baǵytyn ózgertken
SEMEI. QazAqparat – Semeı qalasynda qoǵamdyq kólik qozǵalysyna kedergi keltirgen joldaǵy shuńqyrlarǵa qıyrshyq tas tógilip, tegisteý jumystary júrgizildi, dep habarlaıdy QazAqparat tilshisi.
Áleýmettik jeliler men buqaralyq aqparat quraldarynda Semeıde shuryq tesik joldyń avtobýs qozǵalysyn shektegeni jaıly aqparat tarady. Osyǵan oraı qalalyq Jolaýshylar kóligi jáne avtomobıl joldary bólimine habarlasyp kórgen edik.
«Sáýir aıynyń 5-i kúni tasymaldaýshy kompanııalardyń birinen №48 jáne 9 avtobýstar Murat kentine aparar joldyń nasharlyǵynan «Aıda» dúkeni tusynan keri burylýǵa májbúr ekendigi týraly telefonogramma tústi. Bólim qyzmetkerleri sol jerge baryp kórdi. Rasymende jolda shuńqyrlar paıda bolǵan. Greıderleý jumystaryna jerasty sýy kedergi keldirgendikten shuńqyrlarǵa qıyrshyq tas tógilip, tegisteý jumystary júrgizildi», - deıdi bólim basshysynyń orynbasary Nazym Janbolatova.
Onyń aıtýynsha, qazirgi ýaqytta avtobýstar qaıta qatynap jatyr.
