Semeıde shuńqyrǵa qulaǵan bıe men qulyn qutqaryldy
SEMEI. QazAqparat – Semeı qalasyndaǵy Stepnoı kentinde qutqarýshylar shuńqyrǵa qulaǵan eki jylqyny alyp shyqty, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, Semeıde qutqarýshylar shuńqyrǵa qulap ketken jylqylarǵa kómekke keldi.
Stepnoı kentinde jylqylar shuńqyrǵa qulap, óz betimen shyǵa almaı qalǵan.
Mal ıesi de eshteńe isteı almaǵan soń qutqarýshylarǵa qońyraý shalyp, kómek surady.
«Oqıǵa ornyna №2 mamandandyrylǵan órt sóndirý bóliminiń qyzmetkerleri kelip jetti. Olar alpınıstik jabdyqtardyń kómegimen jylqylardy baılap, shuńqyrdan alyp shyqty», - dep habarlady vedomstvo ókilderi.
Jylqylarǵa eshqandaı zaqym kelgen joq.
Osy rette qutqarýshylar óńir jurtshylyǵyna óz janýarlaryn qaraýsyz qaldyrmaýǵa keńes beredi.
