Semeıde shomylý maýsymy bastalǵaly 8 adam sýǵa ketti
SEMEI. QazAqparat - Semeı qutqarýshylary sýdaǵy adam óliminiń artýyna alańdaýly. Bul jaıynda búgin TJB daǵdarys ortalyǵynda ótken brıfıngte aıtyldy, dep habarlaıdy QazAqparat.
Brıfıngti uıymdastyrýdyń basty sebebi - shomylý maýsymynda sý aıdyndaryndaǵy qaıǵyly oqıǵalardyń kúrt artýy.
Sońǵy jaǵdaı 7 shildede Mırnyı kentinde boldy. 1998 jyly týǵan jas jigit shomylýǵa baryp, sýǵa batyp ketti.
Sýǵa shomylý kezeńi bastalǵannan beri Semeı qalasynda 8 adam qaza tapty, onyń 2-eýi tabylmady, izdeý jumysy jalǵasyp jatyr.
Tótenshe jaǵdaılar basqarmasynyń bastyǵy osyǵan uqsas jazataıym oqıǵalardyń negizgi sebepterin atap ótip, sýdaǵy qaýipsizdik qaǵıdalaryn múltiksiz saqtaý qajettigin aıtty.
Brıfıngte Tótenshe jaǵdaılar mınıstriniń buıryǵymen «Shyǵys» ÓńQ áskerı bóliminiń vzvod komandırleri – Asan Tashon, Qadyrqulov Farýh jáne Zaton polıtsııa bóliminiń qyzmetkeri Qanash Qurmanbaev alǵys hatpen marapattaldy.
Olar aǵys alyp ketýge az qalǵan eki qyzdy qutqaryp, ózderiniń erligi men qaısarlyǵyn kórsetti.
