Semeıde shyrsha jaǵý saltanaty nelikten keshiktirilip jatqany aıtyldy

ASTANA. KAZINFORM — Keıbir derekkózderde Semeıde shyrshanyń kóldeneń tireýishi joq degen aqparat tarady. Alaıda Semeı ákimdigi buny joqqa shyǵardy. 

— Sizderge basty qalalyq shyrshanyń shamdaryn jaǵý saltanaty 25 jeltoqsanǵa aýystyrylǵanyn habarlaımyz. Bul shara Semeıge Coca-Cola merekelik kerýeni keletin kúnge shegerildi. Qala turǵyndary men qonaqtaryna ertegideı atmosfera syılaý maqsatynda uıymdastyrylǵan shara barysynda barshańyz kerýenmen jáne shyrshamen estelik sýretke túse alasyzdar, — dedi vedomstvo.

Qalalyq ákimdik shyrsha qurylysy tolyq aıaqtalǵanyn, jelidegi aqparattyń shyndyqqa janaspaıtynyn aıtty.

— Sonymen qatar, keıbir derekkózderde shyrshanyń kóldeneń tireýishi joq degen jalǵan aqparattyń taraǵanyn nazarlaryńyzǵa salamyz. Atalǵan aqparat shyndyqqa janaspaıdy. Shyrsha qurylysy tolyq aıaqtalǵan jáne barlyq belgilengen talaptarǵa saı keledi, — dep atap ótti ákimdik.

Aıta keteıik, budan buryn Qaraǵandynyń bas shyrshasynyń shamdary jaǵylǵany belgili boldy.

Sondaı-aq, Shymkentte jańa qosylǵan shyrsha órtenip kete jazdaǵany anyqtaldy.