Semeıde shırek ǵasyr jóndelmegen jol jóndeldi
SEMEI. QazAqparat - Semeı mańyndaǵy Ozersk aýylyna baratyn jol jóndeldi. Shırek ǵasyr jóndelmegen joldyń zardabyn tartqan turǵyndar Semeı qalasynyń ákimi Ermak Sálimovten jol máselesin sheshýdi suraǵan bolatyn, dep habarlaıdy QazAqparat.
Jóndeý jumystarymen bıznestiń áleýmettik jaýapkershiligi aıasynda «Gordorstroı» mekemesi aınalysty. Al jol zamanaýı nemis tehnologııasymen salynǵan.
«Bizde ádemi tabıǵat bar, biraq demalýshylar kele bermeıdi. Sebebi jol jaman. 25 jyldyń ishinde bir ret qana joldyń shuńqyrlary biteldi. Sondyqtan joldyń jaǵdaıy nashar boldy. Endi, mine, jańa jol salyndy. Qýanyshtymyz. Túrli kezdesýler bolǵanda turǵyndar únemi jol máselesin kóteretin. Sý máselesi sheshilgen. Qazir barlyq úıge sý tartylǵan»,-deıdi Ozersk aýylynyń turǵyny Ivan Kııaev.
Sonymen qatar, «Semeı Talıtsa» baǵytyndaǵy jol da jóndelip jatyr. Munymen «Ozon» seriktestiginiń qyzmetkerleri aınalysýda. Qazir Kashtak aýylyna deıingi jol jóndelip boldy. Jalpy joldaǵy shuńqyrlardy jamaýǵa bıýdjetten 16 mln 500 myń teńge bólingen.
