Semeıde shala týǵan nárestelerge arnaıy kútim jasaıtyn bólimshe ashyldy
SEMEI. QazAqparat – Semeı qalasynda shala týǵan nárestelerge arnaıy kútim jasaıtyn bólimshe ashyldy, dep habarlaıdy QazAqparat tilshisi.
ShQO Densaýlyq saqtaý basqarmasy baspasóz qyzmetiniń málimetine súıensek, Semeıdegi perınataldyq ortalyq bazasynda 3 jasqa deıingi sábılerge arnalǵan bólimshe ashyldy. Munda jyl saıyn 600-ge jýyq bala joǵary bilikti medıtsınalyq kómek alady. Bólimde 50 tósek-oryn bar.
«Katamnez bólimshesinde salmaǵy 2000 gramǵa deıingi, bronh-ókpe dısplazııasymen, emdik gıpotermııadan keıingi, asfıksııamen aýyrǵan, týa bitken jaraqaty nemese aqaýlary bar nárestelerge kútim jasalady. Dárigerler shala týǵan sábılerdi qarap qana qoımaı, ata-analarǵa balalaryna odan ári kútim jasaı alý úshin ońaltý sharalaryn úıretedi», - delingen aqparatta.
Perınataldyq ortalyqtaǵy jańa bólimshe bala densaýlyǵyn baqylaýdy qamtamasyz etip, múgedektikti azaıtýǵa sep bolmaq.
Statıstıkalyq málimetterge sáıkes, 2021 jyldyń ózinde Semeıde 604 náreste shala týǵan.
