Semeıde «Shákárim Qudaıberdiuly - shejiretanýdyń negizin qalaýshy» konferentsııasy ótedi
ASTANA. 17 mamyr. QazAqparat - Erteń, mamyrdyń 18-i kúni Shákárim atyndaǵy Semeı memlekettik ýnıversıtetinde «Shákárim Qudaıberdiuly - shejiretanýdyń negizin qalaýshy» atty respýblıkalyq ǵylymı-tájirıbelik konferentsııasy ótedi.
Konferentsııada Shákárim Qudaıberdiulynyń shyǵarmashylyǵy, sondaı-aq qazaq shejiresiniń qalyptasý máselesi zerdelenedi. Ǵylymı májilistiń negizgi baǵyttary: «Shejire - qazaq halqy tarıhynyń derekkózi», «Shákárim Qudaıberdiulynyń shejiresi jáne qazaq halqynyń tarıhy», «Shejire tarıhynyń búgini men erteńi», «Shejire jáne ádebı shyǵarmalar». Konferentsııa aıasynda Shákárim Qudaıberdiulynyń ómirbaıany, shyǵarmashylyǵy jáne shejireni qalyptastyrýdaǵy derek kózderine baılanysty taqyryptyq tarıhı-ádebı kitaptar kórmesi uıymdastyrylady.
Májilistiń plenarlyq otyrysyna tarıh ǵylymdarynyń doktory, professor, Ál-Farabı atyndaǵy Qazaq Ulttyq ýnıversıtetiniń Qazaqstan tarıhy kafedrasynyń meńgerýshisi T.O.Omarbekov, tarıh ǵylymdarynyń kandıdaty, Ál-Farabı atyndaǵy Qazaq Ulttyq ýnıversıtetiniń dotsenti E.M.Turǵynbaev, tarıh ǵylymdarynyń kandıdaty, Semeı memlekettik pedagogıkalyq ınstıtýtynyń dotsenti A.I. Isın, tarıh ǵylymdarynyń doktory, S.Toraıǵyrov atyndaǵy Pavlodar memlekettik ýnıversıtetiniń professory, Máshhúr Júsip Kópeıulynyń nemeresi L.Q. Júsipova, shejireshi-ólketanýshy, Qazaqstan Jazýshylar Odaǵynyń múshesi, «Abaı aýdanynyń qurmetti azamaty» M.J. Janbolatov qatysady.
