Semeıde serýenge shyqqan zeınetker snarıad taýyp aldy
SEMEI. QazAqparat – Semeı qalasyndaǵy Beıbitshilik aralyna serýenge shyqqan zeınetker snarıad taýyp alǵan, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, «102» jedel arnasyna qońyraý shalǵan 69 jastaǵy azamat Beıbitshilik aralynan snarıadqa uqsas zat taýyp alǵanyn aıtty. Oqıǵa ornyna tártip saqshylary jedel kelip jetken.
«Tekserý barysynda belgili bolǵandaı, bul oqý-jattyǵýǵa arnalǵan artıllerııalyq snarıad. Ol aınalaǵa eshqandaı qaýip tóndirmeıdi», - dep habarlady vedomstvo ókilderi.
Qazirgi ýaqytta snarıad áskerı bólim qyzmetkerlerine jetkizildi.
