Semeıde «Sergek» kameralary ornatylýda

SEMEI. QazAqparat – Semeı qalasynda «Sergek» kameralary ornatylyp jatyr, dep habarlaıdy QazAqparat tilshisi.

Qala ákimdiginiń málimetine súıensek, Semeıde «Sergek» foto-beınetirkeý júıesi engizilýde.

«Jalpy shahar boıynsha 40 jol qıylysynda jáne 74 jelilik ýchaskede 1551 kamera ornatylady. Sondaı-aq 687 beınebaqylaý kamerasy jáne qoldanystaǵy 88 (onyń ishindegi 65-i bilim berý nysandarynda) kamera osy júıege ıntegratsııalanady», - delingen aqparatta.

Beınebaqylaý kameralaryn ornatý jumystary 23 naýryzda bastalǵan. Buǵan deıin Semeıde Óskemendegi sıtýatsııalyq ortalyqta jazbany tikeleı kórsetetin 20 kamera ornatylǵan.

Aıta keteıik, baılanys arnasyn uıymdastyrýdy, jabdyqtardy jetkizý jáne montajdaý jumystaryn osy jyldyń 15 mamyrynda aıaqtaý josparlanýda.