Semeıde «Sergek» kameralary ornatylady
ÓSKEMEN. QazAqparat –Shyǵys Qazaqstan oblysynyń ákimi Danıal Ahmetov Semeıdegi jylý qazandyqtaryn tekserdi, dep habarlaıdy QazAqparat tilshisi.
ShQO ákimi baspasóz qyzmetiniń málimetinshe, Danıal Ahmetov «Jylýkommýnenergo» kompanııasyna tıesili Ǵabbasov, Ortalyq jáne 103-103A qazandyqtaryn tekserdi. Qysqa merzimde jobalyq-smetalyq qujattama ázirlenip, «Ortalyq» qazandyǵy úshin qosymsha qazandyqtyń qurylysy bastalmaq.
«Budan bylaı Semeıdi jylýmen qamtamasyz etýde olqylyqtarǵa jol berilmeıdi. Orynbasarym Baqytjan Baıahmetovke eki aptada bir ret osy taqyrypta kezdesý ótkizip otyrýdy tapsyramyn», - dedi aımaq basshysy.
Sonymen qatar Danıal Ahmetov Semeı shaharyna jasaǵan jumys saparynda «Sergek» júıesin engizý máselesin talqylap, jıyn ótkizdi.
«Búgingi tańda biz Óskemen qalasynda bul tsıfrlyq júıeniń tamasha nátıjelerin kórip otyrmyz. Baqylaýdyń mundaı ádisi Semeıde de qoldanylýy kerek. Ol úshin barlyq jaǵdaı jasalady», - dedi ol.
