Semeıde saýnada jeńgetaılyqpen aınalysqan zeınetker sottaldy
Oblystyq Qylmystyq atqarý júıesi departamenti baspasóz qyzmetiniń málimetine súıensek, Semeıdegi probatsııa qyzmetine 62 jastaǵy áıel esepke alyndy. Ol qaladaǵy saýnalardyń birinde ıntım qyzmetti uıymdastyrǵan. Áıel saýnada ákimshi bolyp jumys istegen.
«Saýnaǵa K. esimdi azamat klıent retinde kelip, sottalǵan A-dan ıntımdik qyzmet alý múmkindigi bar-joǵyn suraǵan. Oǵan áıel osy saýnanyń ishinde ornalasqan bólmede ıntımdik qyzmet kórsetetin B. esimdi «jumysshymen» kezdesý uıymdastyrǵan. Osydan keıin olar saǵatyna 15 myń teńge somasyna kelisken. Saýna ákimshiligi jeńil júristi qyzǵa kórsetken «qyzmeti» úshin 3 myń teńge tólegen. Aqshany tólegennen keıin K. esimdi klıent «102» arnasyna qońyraý shalyp, bolǵan oqıǵa týraly habarlady», - delingen aqparatta.
Atalǵan fakti boıynsha áıel QR QK-niń 309-baby 1-bóligine sáıkes (Jezókshelikpen aınalysýǵa arnalǵan prıtondardy uıymdastyrý nemese ustaý jáne jeńgetaılyq) qylmystyq jaýapqa tartyldy. Sot úkimimen ol eki jylǵa bas bostandyǵynan shekteldi.
