Semeıde sáýir aıynan bastap jol aqysy qymbattaýy múmkin
ASTANA. QazAqparat - Sáýir aıynan bastap Semeıde jolaqysy qymbattaýy múmkin. Bul týraly qalalyq prokýratýrada ótken basqosýda belgili boldy, dep habarlaıdy 24.kz.
Jıyn jurtty ábigerge salyp, toqtap qalǵan qoǵamdyq kólik qozǵalysyna baılanysty ótken edi. Jolaýshylar tasymalymen aınalysatyn kásiporyndar 60 teńgelik jolaqynyń tym tómen jáne jol sapasynyń nashar ekenin aıtyp, buǵan deıin de birneshe ret ákimdikke shaǵymdanǵan bolatyn. Alaıda ákimdik bul ýájge negiz joq ekenin jáne jolaýshy tasymalyna ketetin naqty shyǵyndardy esepteý kerektigin aıtqan. Endi bul másele kelesi aptada qalalyq máslıhat sessııasynda qaralyp, túpkilikti sheshiletin boldy.
«Búgingi basqosýdyń nátıjesinde jolaqysyn kóterý kerek degen toqtamǵa keldik. Bul másele osy aıdyń sońynda sheshilmek. Budan bólek, avtobýs baǵyttaryn óz betimen toqtatý boıynsha da prokýrorlyq yqpal etý sharalary qoldanyldy. ıAǵnı jolaýshylar tasymaldaıtyn kásiporyn basshylaryna mundaı árekettiń zańsyz ekendigi jóninde qatań eskertý jasaldy»,-deıdi Semeı qalasynyń prokýrory Marat Turabaev.
