Semeıde saýda úıine «bomba qoıyldy»
SEMEI. QazAqparat – Semeı qalasynda saýda úıine bomba qoıylǵandyǵy týraly jalǵan habar tústi, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, 5 maýsym kúni saǵat 18:26-da qalalyq polıtsııa basqarmasyna Shuǵaev kóshesiniń boıynda ornalasqan saýda úıleriniń birine jarylǵysh zat qoıylǵany týraly habar kelip tústi.
«Oqıǵa ornyna arnaıy mamandar shuǵyl kelip jetti. Saýda úıiniń kelýshileri men qyzmetkerleri evakýatsııalandy. Alaıda tekserý barysynda eshqandaı bomba tabylmady», - delingen aqparatta.
Qazirgi ýaqytta polıtseıler atalǵan fakti boıynsha QR Qylmystyq Kodeksiniń 273-babyna sáıkes sotqa deıingi tergeý amaldary bastalǵan.
Jalǵan habar bergen adam izdestirilip jatyr. Zań boıynsha ol bes jylǵa deıingi merzimge bas bostandyǵynan aıyrylýy múmkin.
Esterińizge sala keteıik, osyǵan deıin Semeıde 40 jastaǵy er adam sýǵa batyp ketkenin habarlaǵan edik.
