Semeıde sarbazdar shańǵy jarysynan synǵa tústi

SEMEI. QazAqparat – Semeıde sarbazdar shańǵy jarysynan synǵa tústi, dep habarlaıdy QazAqparat tilshisi.

Semeı garnızony baspasóz qyzmetiniń málimetine súıensek, áskerı qyzmetshiler arasynda shańǵydan chempıonat ótti. Jarysqa 15 komanda qatysqan. Olar belgilengen qashyqtyqty ýaqytqa eńserip, baq synasty.

Jarys qorytyndysy boıynsha jalpykomandalyq esepte 36803 áskerı bóliminiń komandasy jeńimpaz atandy. Al ekinshi oryndy – 10181, úshinshi oryndy – 28738 áskerı bóliminiń qyzmetkerleri ıelendi.

«Tabıǵatta jaman aýa-raıy bolmaıdy. Qysta sportpen shuǵyldaný degen bir ǵanıbet. Osyndaı saıystar jıi ótkizilip tursa deımiz», - deıdi jarysqa qatysýshy serjant Ásem Jákenova.

Chempıonat jeńimpazdary Qarýly Kúshterdiń Şýchınsk qalasynda ótetin spartakıadasynda «Shyǵys» óńirlik qolbasshylyǵynyń atynan óner kórsetpek.