Semeıde salynatyn JEO-nyń orny georadarmen tekseriledi
ÓSKEMEN. QazAqparat - Semeıde endi salynatyn jylý nysanynyń aýmaǵyn georadarmen zertteıdi, dep habarlaıdy «QazAqparat» HAA tilshisi.
Mundaı tapsyrmany mamandarǵa ShQO ákimi Danıal Ahmetov búgin jınalysta berdi. Semeıdegi jylytý máselesin sheshý úshin qalada JEO qurý josparlanýda. Bul nysan birneshe eski qazandyqtardy almastyrýy múmkin.
Ǵalymdardyń pikirinshe, qurylys jumystary júrgiziletin ýchaskede arheologııalyq eskertkishter ornalasýy múmkin. Danıal Ahmetov bul aýmaqty georadarmen skanerleýdi tapsyrdy. Bul arqyly jerdiń astynda ne baryn anyqtaýǵa bolady. Zertteýdiń nátıjesi boıynsha tıisti sharalar qoldanylady.
