Semeıde saqshylar bir jasar sábı men onyń anasyn qutqardy
ÓSKEMEN. QazAqparat - Órt shyqqan kezde áıel 1 jasar balasymen óz páterinde qamalyp qalǵan, dep habarlady QazAqparat ShQO TJD-nyń baspasóz qyzmetine silteme jasap.
Áıel jylytqyshty iske qosyp, ózge bólmege ketken. Keıin zalǵa kelgen ol jylytqysh janyndaǵy dıvan órtenip jatqanyn kórgen. Kelinshek dereý órt sóndirý qyzmetine habarlap, balasyn alyp basqa bólmege shyqqan. 5 mınýttan soń oqıǵa ornyna qutqarýshylar keldi.
Qutqarýshylardyń aıtýynsha, kópqabatty turǵyn úıdiń 9-shy qabatyndaǵy oqys oqıǵa jumysty kúrdelendire tústi. Olar jetkende jıhaz, turmystyq tehnıka órtenip jatqan.
Aldymen órt sóndirýshiler páterge kirip, bala men onyń anasyna syrtqa shyǵýǵa kómektesti. Órt sóndirýshiler 20 mınýttaı qyzyl jalynmen kúresti.
Aldyn ala nusqa boıynsha órt shyǵýyna elektr jabdyǵyn paıdalaný kezinde órt qaýipsizdigin saqtamaý sebep bolǵan.
Jyl basynan elektr jabdyǵyn paıdalaný kezinde órt qaýipsizdigin saqtamaý saldarynan ShQO-da tilsiz jaýdyń 174 jaǵdaıy tirkeldi, bir adam qaza tapty.
