Semeıde ruqsat qaǵazyn satýmen aınalysqan ákimdik qyzmetkeri jazaǵa tartyldy
SEMEI. QazAqparat – Semeı qalasynda karantın kezinde ruqsat qaǵazyn satyp paıda tapqan ákimdik qyzmetkeri sottaldy, dep habarlaıdy QazAqparat tilshisi.
Sybaılas jemqorlyqqa qarsy is-qımyl agenttigi ShQO boıynsha departamentiniń málimetine súıensek, qalalyq kásipkerlik bóliminiń bas mamany avtokólik júrgizýshilerine 5 qyzyl ruqsat qaǵazyn satqan. Tergeý amaldary aıaqtalǵan soń onyń isi Semeı qalalyq №2 sotynda qaraldy.
«Bas maman tótenshe jaǵdaı kezinde 25 myń teńge para alyp, avtokólik ıelerine qala ishinde júrýge arnalǵan ruqsat qaǵazyn zańsyz bergen. Sot úkimimen aıyptalýshyǵa 1 250 000 teńge mólsherinde aıyppul salyndy», - delingen habarlamada.
