Semeıde «Rýhanı jańǵyrý» jobalyq keńsesi ashyldy
SEMEI. QazAqparat - Semeıdegi Shákárim ýnıversıtetinde «Rýhanı jańǵyrý» jobalyq keńsesi ashyldy, dep habarlaıdy QazAqparat.
Munda Elbasy baǵdarlamasynyń júzege asýyn uıymdastyrý jumystary júrgiziledi jáne «Rýhanı jańǵyrý: bolashaqqa baǵdar» maqalasyna sáıkes qalada ótetin sharalardyń barlyǵy aldymen osy ortalyqtyń saraptaýynan ótedi. Sodan keıin kópshiliktiń nazaryna usynylady.
Sonymen qatar Call-ortalyǵynyń saltanatty tanystyrylymy ótkizildi. Ortalyq qyzmetkerleri «Rýhanı jańǵyrý» baǵdarlamasy boıynsha usynystar men eskertýlerdi qabyldap, turǵyndarmen baǵdarlamany iske asyrý boıynsha túsindirme jumystaryn júrgizedi.
Keńseniń ashylý saltanatyna Qazaqstan Respýblıkasy Prezıdenti apparatynyń ishki saıasat bóliminiń meńgerýshisi Aıda Balaeva arnaıy keldi. Shara barysynda Aıda Ǵalymqyzy ýnıversıtet stýdentterimen kezdesti. Elbasy álemniń eń myqty ǵalymdarynyń úzdik oqýlyqtaryn qazaq tiline aýdaryp, ony otandyq oqý oryndar baǵdarlamasyna engizýdi tapsyrǵan bolatyn. Kezdesýde qazaq tilindegi «100 jańa oqýlyq» jobasy týraly, kitappen birtindep barlyq oqý oryndary qamtamasyz etiletindigin jetkizdi.
«Qazir oqýlyqtardy qazaq tiline aýdarý protsesi júrip jatyr. Bul óte mańyzdy. Buǵan deıin kitaptar jartylaı aýdarylatyn nemese birqatar qateliktermen. Qazir memlekettik tildiń mańyzdylyǵyn jas urpaqqa túsindirý mańyzdy. Sondyqtan bul baǵytta atqarylyp jatqan jumystar kóp», - dedi Aıda Balaeva.
