Semeıde Rýbık tekshesin qurastyrýdan jarys ótti
SEMEI. QazAqparat - Semeıde Rýbık tekshesin qurastyrýdan kezekti birinshilik ótti. Jarysqa respýblıkanyń ár aımaǵynan 60-qa tarta oıy júırik zııatkerler qatysty, dep habarlaıdy QazAqparat.
Birinshilik Semeı qalasyndaǵy fızıka-matematıka baǵytyndaǵy Nazarbaev Zııatkerlik mektebi «Qazaqstan spıdkýbıng federatsııasy» qoǵamdyq birlestiginiń uıymdastyrýmen ótti. Bul "KSF Semey City 2018" - "KSF City" birinshiligi serııasyna enetin aýqymdy jarystyń biri. Bekitilgen talap boıynsha birinshilik Qazaqstannyń barlyq 16 qalasynda ótýi kerek. Bul jolǵy jarysqa "Ýdıvıtelnye lıýdı" teleshoýy 2-shi kezeńiniń jeńimpazy, 5h5 rýbık tekshesin kózdi jumyp qurastyrýdan álemniń 6 márte rekordshysy, Eýropanyń 2 dúrkin chempıony, reseılik Roman Strahov, WCA (World Cube Association) arnaıy ókili retinde Marııa Jıts arnaıy keldi.
«Men bul joly jarysqa qatysýshydan bólek, uıymdastyrýshy retinde kelip otyrmyn. Alǵashqy saparymda semeılik balalardyń rýbık tekshesine degen qyzyǵýshylyǵyn kórip tańǵalǵanym ras. Jarys óte joǵary deńgeıde ótti. Qatysýshylar sanyna qarap, rýbık tekshesiniń Qazaqstandaǵy bolashaǵy zor dep aıta alamyn», -deıdi Roman Strahov.
2 kúnge sozylǵan jarys WCA (World Cube Association) bekitken 14 túrli tártippen ótti. Qatysýshylardyń jas ereksheligine shekteý qoıylǵan joq. Olardyń kishisi - 9, eresegi - 39 jasta.
Jeńimpazdar uıymdastyrýshylar tarapynan berilgen medal, maqtaý qaǵazy jáne arnaıy aqshalaı sertıfıkattarǵa ıe boldy.
