Semeıde Respýblıka kúni jańa mektep ashylady

SEMEI. QazAqparat – Semeı qalasynda Respýblıka kúnine oraı birqatar shara ótkizilmek, dep habarlaıdy QazAqparat tilshisi.

Qala ákimdiginiń málimetine súıensek, Semeıde Ulttyq mereke — Respýblıka kúni keń kólemde atalyp ótiledi.

- Mereke qarsańyndaǵy 22-23 qazan kúnderi Severnyı, Dalnyı, Jolaman bazarlarynda aýyl sharýashylyǵy taýarlary óndirýshileriniń jármeńkesi uıymdastyrylady. Al 25 qazanda etnomádenı birlestikter sherýi men memlekettik týdy saltanatty túrde joǵary kóterýden bastalatyn shara ary qaraı kontserttik baǵdarlamalar men sporttyq is-sharalarmen jalǵasyn tabady, - delingen aqparatta.

Qalanyń murajaılary men kitaphanalary turǵyndarǵa ashyq esik kúnin ótkizedi. Sondaı-aq jańa mektep, sport modýli jáne basqa da nysandardyń ashylýy merekemen tuspa-tus kelip otyr.

Saǵat 19.00-de ortalyq alańda otandyq estrada juldyzdarynyń qatysýymen merekelik gala-kontsert, saǵat 22.00-de merekelik otshashý bolady dep josparlanyp otyr.

Aıta keteıik, merekelik is-sharalar Abaı oblysynyń barlyq aýdandary men qalalarynda ótkizilmek.