Semeıde reseılik azamatty tonap ketken kúdiktiler ustaldy

SEMEI. QazAqparat – Semeı qalasynda Reseı azamatyn tonap ketken eki kúdikti ustaldy. Bul týraly qalalyq polıtsııa basqarmasy basshysynyń orynbasary Іlııas Ibraev málimdedi, dep habarlaıdy QazAqparat tilshisi.

«Reseı Federatsııasynyń azamaty 102 jedel arnasyna qońyraý shalyp, múlkiniń urlanyp ketkeni týraly shaǵym túsirgen. Shyǵynnyń jalpy somasy – 420 myń teńge. Jedel uıymdastyrylǵan sharalardyń nátıjesinde polıtsııa qyzmetkerleri kúdiktilerdi ustady. Olardyń ekeýi de buryn sottalǵan Semeı qalasynyń turǵyndary ekeni anyqtaldy. Qylmys jasalǵan kúni kúdiktiler ishimdik iship, jábirlenýshini ashyq tonap ketkeni belgili boldy. Kúdiktilerge qatysty bultartpaý sharalary qoldanylyp, tergep-tekserý jumystary júrgizilip jatyr», - dep málim etti Іlııas Ibraev.

Qosa ketsek, buǵan deıin Aqtóbe oblysy Qarǵaly aýdanynda qoqys polıgonynan paketke salynǵan shaqalaqtyń denesi tabylǵanyn habarlap edik. Polıtsııa málimetine sáıkes, atalǵan fakti boıynsha QR Qylmystyq kodeksiniń 100-baby, ıaǵnı «Anasy jańa týǵan náresteni óltirý» boıynsha sotqa deıingi tergeý amaldary bastalyp, balanyń anasy izdestirilip jatyr.