20:56, 27 Naýryz 2023 | GMT +6
Semeıde psıhıkalyq densaýlyq ortalyǵy qyzmetkerlerine 128 mln teńge jalaqy tólemegen
SEMEI. QazAqparat – Abaı oblysyndaǵy medıtsınalyq mekeme 600-den astam qyzmetkerine 128 mln teńge jalaqy tólemegen, dep habarlaıdy QazAqparat tilshisi.
Oblystyq psıhıkalyq densaýlyq ortalyǵynyń 646 qyzmetkerine jalaqy bereshegi 128,1 mln teńgege jetken.
Abaı oblystyq prokýratýrasy baspasóz qyzmetiniń málimetine súıensek, osy máseleni dereý sheshý maqsatynda densaýlyq saqtaý basqarmasy basshysynyń atyna zań buzýshylyqtardy joıý týraly usynys engizildi.
Sondaı-aq ortalyqtyń basshylyǵymen, ujymymen jáne kásipodaq ókilderimen kezdesý uıymdastyryldy.
«Sonyń nátıjesinde, qazirgi ýaqytta psıhıkalyq densaýlyq ortalyǵynyń medıtsına qyzmetkerleriniń aldyndaǵy jalaqy boıynsha bereshegi tolyǵymen óteldi. Osy jyldyń aqpan aıyndaǵy jalaqy da ýaqtyly berildi», - delingen aqparatta.
