Semeıde prokýratýra 1,2 mlrd teńgeniń tıimsiz jumsalýyna jol bermedi
ASTANA. KAZINFORM — Abaı oblysynda 1,2 mlrd teńge kólemindegi bıýdjet qarajatynyń tıimsiz jumsalýyna jol berilmedi.
Semeı qalasynyń prokýratýrasy 1,8 mlrd teńgege jol ınfraqurylymyn aǵymdaǵy jóndeýge arnalǵan memlekettik satyp alýdy josparlaý kezinde zań buzýshylyqtardy anyqtady.
Semeı qalasynyń prokýratýrasy aǵymdaǵy jol jóndeý jumystaryna arnalǵan quny 1,8 mlrd teńge bolatyn memlekettik satyp alýdy josparlaý barysynda zań buzýshylyqtardy anyqtady.
Tekserý barysynda jumystardy eki jyl ishinde oryndaý josparlanǵany anyqtaldy. Alaıda bıýdjet qarajaty tek aǵymdaǵy qarjy jylyna ǵana kózdelgen. Bul memlekettik qarajattyń tıimsiz jumsalý qaýpin týyndatqan.
Prokýrorlyq qadaǵalaý aktisi boıynsha anyqtalǵan zań buzýshylyqtar joıyldy. Nátıjesinde 1,2 mlrd teńgeden astam bıýdjet qarajatynyń tıimsiz jumsalýyna jol berilmedi.
Prokýratýra zańdylyqtyń saqtalýyn qamtamasyz etý jáne memlekettik qarajattyń tıimdi paıdalanylýyn baqylaý baǵytyndaǵy jumysyn jalǵastyrýda.
Aıta ketelik Abaı oblysynda prokýratýra 172 júrgizýshige zańsyz aıyppul salynǵanyn anyqtaǵan edi.
