Semeıde poıyzdan 12 mln teńgeniń mys kontsentratyn urlaǵan qylmystyq top sottaldy
Kóliktegi polıtsııa departamentiniń málimetinshe, KAZ Minerals AQ tıesili «mys kontsentraty» júginiń urlyǵy ótken jyldyń jazynda jasalǵan.
Túngi ýaqytta tórt er adam vagondardyń mejeli pýnktke jóneltilýin kútip, stantsııa joldarynda turǵanyn paıdalanyp, 16 770 kg júk urlaǵan.
Shyǵyn 12,8 mln teńgeni qurady. 30 qyrkúıekte jedel-izdestirý sharalary barysynda qylmyskerler Semeı stantsııasynda ustaldy.
Bul týraly kóliktegi polıtsııa departamentiniń bastyǵy Ońal Bekeev málimdedi.
Onyń aıtýynsha, QR QK 188-baby boıynsha sotqa deıingi tergeý júrgizilip, materıaldar sotqa jiberildi.
«Osy jyldyń qańtar aıynyń sońynda Shar qalasy sotynyń úkimimen top músheleri 3 jyl 9 aıǵa shartty túrde bas bostandyǵynan aıyryldy», - dep atap ótti polıtsııa general-maıory.