Semeıde poıyz qaqqan 29 jastaǵy jigit kóz jumdy

SEMEI. QazAqparat – Semeı qalasynda poıyz qaqqan er adam mert boldy, dep habarlaıdy QazAqparat tilshisi.

ShQO kóliktegi polıtsııa departamenti baspasóz qyzmetiniń málimetine súıensek, oqıǵa «Spartak» stadıony mańyndaǵy temirjolda boldy.

29 jastaǵy azamatty teplovoz qaǵyp ketken.

«Qazirgi ýaqytta atalǵan fakti boıynsha Semeı stansasynyń jelilik polıtsııa bólimi Qazaqstan Respýblıkasy Qylmystyq Kodeksiniń 344-babyna (Abaısyzda adam ólimine ákep soqqan jol qozǵalysy nemese temir jol kóligin paıdalaný qaýipsizdigi erejelerin buzý) sáıkes sotqa deıingi tergeý amaldaryn bastady. Birqatar tıisti saraptama taǵaıyndaldy», - delingen aqparatta.

Vedomstvo dereginshe, Qylmystyq is júrgizý kodeksiniń 201-baby 1-bóligine sáıkes ózge aqparattar jarııa etilmeıdi.