Semeıde polıtseıdi pyshaqtaǵan kúdiktiniń isi qaı baptar boıynsha tergelip jatyr

ASTANA. KAZINFORM – QR Іshki ister mınıstrligi Semeıde polıtsııa qyzmetkerin pyshaqtaǵan kúdiktiniń isin tergeý amaldaryna qatysty túsinik berdi.

«Atalǵan derek boıynsha Qazaqstan Respýblıkasy Qylmystyq kodeksiniń 380-1-babynyń 1-bóligi (Quqyq qorǵaý organy qyzmetkeriniń ómirine qaýip tóndirý) boıynsha qylmystyq is qozǵaldy. Qylmystyq is sotqa deıingi tergep-tekserý satysynda, tıisti tergeý is-qımyldary atqarylyp jatyr. Zańǵa sáıkes iske qatysty ózge málimetter jarııalaýǵa jatpaıdy», - delingen mınıstrliktiń Kazinform agenttigine bergen jaýabynda. 

Sonymen qatar, atalǵan kúdikti adamnyń qyzdy ańdyp júrýi faktisine qatysty Ákimshilik quqyq buzýshylyq týraly kodeksiniń 449-babyndaǵy qoǵamdyq oryndarda tıisý deregi boıynsha hattama toltyryldy.

Eske salsaq, Semeı qalasynda 13 jasar qyzdyń sońyna túsken er adam kómekke kelgen polıtseıge pyshaq saldy. 

Osy oqıǵa boıynsha polıtsııaǵa habarlasqan qyz ózin belgisiz adamnyń ańdyp júrgenin aıtqan. Jetkinshek dúkenge kirip ketkenin, syrtqa shyǵýǵa qorqyp turǵanyn jetkizdi. Osydan keıin ýchaskelik polıtsııa ınspektorlary dereý sol jerge kelip jetti. Olar dúkenniń janynda turǵan kúdiktini baıqap, mán-jaıdy anyqtaýǵa tyrysty. Biraq jigit qolyna pyshaq alyp, tártip saqshylaryna júgire jóneldi.