Semeıde polıtravma jáne ortohırýrgııa ortalyǵy ashyldy
Medıtsınalyq jedel járdem aýrýhanasynyń negizinde ashylǵan jańa polıtravma jáne ortopedııa ortalyǵy zamanaýı qondyrǵylarmen qamtasyz etilgen. Naýqastardyń az ýaqyt ishinde saýyǵyp ketýi úshin barlyq jaǵdaı jasalǵan. 2016-2019 jyldarǵa baǵyttalǵan «Densaýlyq» memlekettik baǵdarlamasy aıasynda ashylǵan ortalyq - Astana qalasyndaǵy travmatologııa jáne ortopedııa ǵylymı-zertteý ınstıtýty men Semeıdegi Memlekettik medıtsına ýnıversıtetimen birlesip iske asyrylǵan joba.
«Jańa polıtravma jáne ortopedııa ortalyǵy respýblıkalyq travmatologııa jáne ortopedııa ǵylymı-zertteý ortalyǵynyń jetekshi mamandarymen birge ishki protezdeý jáne kúrdeli jaraqattardy emdeýge múmkindik beredi»,-deıdi oblystyq densaýlyq saqtaý basqarmasynyń basshysy Marat Shoranov.
Aıta keteıik, Semeıdegi jedel medıtsınalyq járdem aýrýhanasynyń róli mańyzdy. Sebebi bul aýrýhana ShQO-nyń 9 aýdanyna qyzmet etedi. Medıtsınalyq jedel járdem aýrýhanasy qazirgi tańda barlyq qajetti qural-jabdyqtarmen qamtamasyz etilgen.